Spore van tyd

3 Augustus 2020

Liewe Grace….32 jaar van jou kosbare vriendskap…vele wat jou gaan mis, veral die klein mensies wat jou soveel vreugde verskaf het. Jou borrelende lag en jou prag-rooi-haredos sal my altyd bybly….

Weereens opgedra aan jou…

Soos die Grootvoete se spoor
In die Knysnabos,
Vir die oog ongespoor
Maar hul bestaan gewis

Soos die ossewa se naaf
Spoor getrap het oor Drakensberg
Deur tye uitgewis
Maar Geskiedenis staaf die feit

Soos Paul Kruger se ponde
Waaroor blaaie en blaaie geskryf is
Vele het gegis
Steeds, word dit betwis

Soos Saartjie Baartman en haar pens
Met bolwange na agter
Het Wetenskap bewys
Geslagte terug, wás sy daar

SO

Het jou vriendskap bly draal
Vele mylpale was daar
Gedagtes gebare bly bind
Ek en jy, ‘n vlegsel van tyd

(c) Hanneliese Mei 2016

Geskryf uit dankbaarheid vir my jarelange vriendin Grace, omdat sy nooit opgegee het op ons vriendskap nie. Vir nou al amper 30 jaar, is sy die een wat ons vriendskap lewend hou. Ons vriendskap het verouder soos goeie wyn, volrond en betekenisvol, soos nog nooit vantevoor. Grace is ‘n vriendin soos min!!

My Go

ek rangskik;
my gedagtes in woorde, en
gooi dit in die buitensteruim

sodat jy dalk
miskien
my raak lees
waar jy ookal dwel

môre is jy 63
en wen my weer
vanaf ’77

Appel;
gemaak vir my
gegroei kindwees gelouter
tehuis troep
bestemaat lover trougesweer
(kortgeknip)
-vir my-
my Go

ons kids;
die beste Appels
sien jy, my Go
ons kleinste Appeltjie?
wonderbaar!!!

weet jy, my Go
jy nestel steeds in my hart
vir 43 jaar…

(c) Augustus 2020

Trees

I think that I shall never see
A poem lovely as a tree.

A tree whose hungry mouth is prest
Against the sweet earth’s flowing breast;

A tree that looks at God all day,
And lifts her leafy arms to pray;

A tree that may in summer wear
A nest of robins in her hair;

Upon whose bosom snow has lain;
Who intimately lives with rain.

Poems are made by fools like me,
But only God can make a tree.

Joyce Kilmer 1886

quam minimum credula postero

soms,
(soos vandag)
voel ek verneuk deur die lewe…

iemand om mee saam te lag
nonsens te praat
‘n onverwagse
“ek is tog lief vir jou”

rooiwyn voor ‘n vuurtjie
bespiegel oor langverlee
giggel oor jonkwees geheime

hand aan hand
vryfie hier
soentjie daar

bring die besef opnuut:
lewe vandag soos geen ander
die hier en nou
kan niemand verseker…

(c) Hanneliese Julie 2020

Rhinocerotidae

Ou kollos;
ons misken jou temperament
hoe kon ons wis
jou bui bepaal?

Jou groteske lyf,
pote soos dikke stompe
geen “welkom” te bespeur
jou houding vertel: “weg voor my”

Respek;
ons wagwoord, wat
ons afstand bepaal
jou domein, betree ons nie

Wat ‘n wonder jou logge lyf
heláás, die hartseer so fel
ontneming van jou karaktertrek
verseker jou voorbestaan bowenal

(c) Hanneliese Julie 2020

Gletsers

Vasgevang;
-soos die blare onder ‘n yslaag-
is paaie onder ons voete gestap
die gletsers van ons lewens

Saam gebondel;
-die onthou-
(al wil jy vergeet)
soos asem, deel van jou bestaan

Ontvlugting;
-jou keuse-
moenie gedagtes ophok
laat hulle ontsnap

Steeds;
-soms verdwaal ons-
(for better or worse)
op voosgetrapte onthou…

(c) Hanneliese Julie 2020

Toekie

My vriendin van goud
Vir my word jy nooitnie oud
Jou helder, glimlaggende gelaat
Sal nooit my onthou versaak

Buurvrou van weleer
Word vriendin om te eer
Mag jou komende jare op aard
Met vreugd bly gaan gepaard

Jou dag om te geniet
Daar ver in die verskiet
Mag die mooi blou seegolwe
Jou menswees omdolwe
(Ter herinnering, jou menswees straal)

Soos jy diepspit met warmte
Nestel jy telkens in harte
Bind jy vriendskapsbande
Van Daspoort, tot Kaapse strande

(c) Hanneliese Julie 2020

Lekker verjaar liewe maat 🎈🎉🎵🎁
Ons vriendskap is kosbaar, baie dankie

Aaku puja

My darkest moment…
also my brightest
allowing myself to step into my abyss
my innermost transform shikar

Where i stumble
over crazy criscrosses
dazzled by bits of remembrance
ruminate on them, to
mingle my sense perception

Like waves roll out onto shore
and pull back into vastness
snippets are basked
vivified momently
to once again fade into hollowness…

(c) Hanneliese June 2020

aide-mémoire

soms skryf ek laaang briewe
vir jou in my kop
maar die ink verdof weer,
telkemale opnuut…

mymerend
jou siel skaaf my wees
kerf aan onthou
wandelend deur groewe
verbysterend helder

klots klots
rippelend
walletjies kring uit
vorm ‘n kom
vullend tot die brim
stort oor, en
syfer weg….

(c) Hanneliese Julie 2020

Leah

Ouma se poppie;
soos ‘n pienk roosknoppie
ontluik jy in jou mammanessie

Ons almal staan opwag
jou koms, ‘n blye afwagting
-klein liefdelyfie-
ons wag, om jou óp-te-bederf

Pappa Lucky woel en werskaf
met elke mamma Lolla opdrag
om jou blyplekkie tuis
spiekeries-eksie-perfeksie,
te organise

Wyl mamna koesterend,
die wonder van jou groei ervaar
trap jy alklaar, klein mensie,
jou spoortjies binne ons harte

(c) Hanneliese Julie 2020